Blog

Aitortu beharra daukat oso pozik nagoela Burgiko bostgarren lehiaketan egindako lanarekin eta lortutako emaitzarekin, Estatu osoko eskulturgile onenekin lehiatuta.

Aurtengoan etxean egin dugu lana, pena handiz izan ere asko gustatzen baizaigu bertan aritzea, denak elkarrekin eta batera. Hiru ordu izan genituen lanerako eta antolakuntzak proposatuta pirineoari lotutako animali bat sortu beharra izan genuen. Norberak grabatu egin zuen hiru orduko lanaldia bideo batean eta argazkiak ere bidali genituen antolakuntzara, lanak epaitu ahal izateko.

Nik arranoa aukeratu nuen, pirineoko animali ederrenetakoa iruditzen baizait, eta askatasuna irudikatzen du, aldi berean, hainbeste faltan botatzen dugun askatasuna hain zuzen ere, COVIDaren aitzakian kendu diguten askatasuna.

Lan handiko eskultura da, detaile asko baitu, baita lana ere. Buztana erantsi egin nion ensanble batez bidez, baina motozerra soilik erabiliz, beste tresnarik gabe.

Bideoa eta argazkiak ikusi ditzakezue jarraian.

https://almadiasdenavarra.com/2020/10/24/gran-exito-de-la-edicion-especial-de-la-fiesta-de-la-madera/

https://almadiasdenavarra.com/fiesta-de-la-madera/

Martxan da 2020ko Burgiko motozerra txapelketa. Aurtengo egoera berezia dela medio, on-line eginen da. Hau da, partehartzaileek euren lanak etxean eginen dituzte eta bideo eta argazkien bidez baloratuko ditu epai-mahiak. Lan hauek Burgin geratuko dira exposizio bat osatuz. Pirineoko animaliak dira antolakuntzak artistei jarri dien lan ardatza. Eskulturgile hauek motozerra bakarrik erabiliko dute, hiru ordu izanen dituzte lanerako eta pirineoko animalirenbat sortu beharko dute. Ez dago tamaina mugarik.

Hau da partehartzaileen zerrenda:

Juan Asín, Peralta, Nafarroa.

Lúpe Arévalo, Zafra, Extremadura.

Yosi Fervenza, Moaña, Galizia.

Omar López, Siles, Andaluzia.

Mikel Lasarte, Azpirotz, Nafarroa.

Txapelketa hau Nafarroako Almadieroen Elkarteak antolatzen du.

www.almadiasdenavarra.com

Aurtengo udan Zaragozako Isuerren lau egunez egon naiz lanean, herriaren sarreran dauden pinu enborrak lantzen hain zuzen ere. Taila ezberdinak egin ditut nire motozerren laguntzaz, herriaren bizitzari eta ezaugarriei lotuta, batez ere onddoak, izan ere herriak mikologiari eskeinitako zentro eder bat baitu.

Bero latzak egin dituen arren, asko disfrutatu dut eta oso eskertuta nago experientzia honekin. Bertako jendea oso jatorra da eta oso ongi zaindu naute.

Eskerrik asko Isuerre!!!

Azken hilabete hauetako egoera nahiko zaila izan dela aitortu beharra daukagu, birus madarikatuak hankaz gora irauli du gure bizi arrunta eta egoerari buelta ematen aritu gara, ahal genuen moduan. Edozein modutan, gure kasuan “birusak” aktibatu egin gaitu eta lanean aritu gara etengabe.

Datorren martxoaren 14ean Villadan egonen gara, Palenzian hain juxtu ere, txerri hiltzearen festan. Aipatu festa hori bertako Udalak antolatzen du eta arrakastatsua suertatzen da.

Arratsaldeko 6:30etan Ikusgarri enpresako Mikel Lasartek eginen du erakustaldia Feriako eraikinaren sarreran, eta zerbait berezia eta festari lotua sortzen ahaleginduko da.

Hau da Ikusgarri enpresako Mikel Lasartek egin duen proiektu esanguratsuenetakoa. Egunero egunero jende asko hurbiltzen da Ilundaingo basora ibilbidea egiteko eta disfrutatzeko.

Urte hasierarekin batera martxan gaude eta kontratazioa irekita dago. Animatu eta deitu gurera herrietako jaiak, feriak edo beste edozein ospakizun alaitzeko.

Azken aldian egin ditugun lantxoak konpartitu nahi ditugu gaur. Martxan gaude eta proiektu berriak dauzkagu esku artean. Laister izanen duzue hauen berri.

Urtea hasteko kate bat aukeratu dut. Bederatzi lotura ditu eta larizio pinua erabiliz egin dut, gustora. Egia esateko lan handia du eta prozesua nahiko mekanikoa da, baina oso polita.